بعض اوزان الشعر الشعبي العراقي واصولها

تاريخ التسجيل : 31/03/2010

اخوتي اخواتي جميعا ونسأل الله
ان تكونوا بخير

بين يديكم مقطوعة شعرية على وزن
النصاري كتبتها قبل اكثر من سنتين ولم انشرها بسبب وجود خلل في الوزن في
بعض اشطرها ومن هذه الاشطر مابينته لبعض الشعراء ولم يتمكنوا من اكتشافه
لانها تحمل نغمة موسيقية لاتوقف فيها ويشتبه بها الشاعر الجيد ولكن عند
التقطيع تجد انها تزحف عن الوزن الصحيح للنصاري اتمنى منكم القراءة
والتدقيق ومن اراد ان يكتب على وزن النصاري فهذا هو الوزن الصحيح مع مراعات
الابيات التي سأذكرها بعد ان اسمع آراءكم شكرا لكم ودمتم

*******

حاولت هنا ان اضع مثال من
كتاباتي حتى لا يتحسس الاخوة الباقين من الشعراء

*************

القصيدة تحاكي (الحرية)

حملتچ بالشفايف بوسة العيد

حلم بِصْبي دليلي او بيچ ناغيت

نطرتچ ويه طرت الفجر تغريد

عزفتچ كل نهاري او ليلي غنيت

نگشت الروح شامه اتطرز الجيد

رمش يحرس عِيونِچ گلبي خليت

زرعتچ ويًه الابهر جري او تنگيد

ونه شما صح اليه الحيل لميت

گمت والروح بيد وايدچ بأييد

تگوديني وگودج گلت ياريت

يسيره انتي وجيتي وآخ شيفيد

يسير بيسرچ آنه وحيف ضليت

تلمستچ وحس نبضچ تجاعيد

چذب فانوس ليلچ ماحمل زيت

ولا ضنچ هواي الماله تحديد

حسافه او ياحسافه إشكثر تانيت

عمر شوك انگضه او حسرات تنهيد

حلم ريتچ بگيتي هواي منيت

وصبرها الجروح او بلچن تهيد

دهر بلسم المها عليچ ربيت

ثگب شكبان ضيمي او هام تشريد

وخذني ويه اللهيب اردود رديت

جديد ازرع صبرها الروح وتعيد

ونه بصبري إعله صبر الصبر عديت

******

اتمنى ان اكون قد افدت بعض الشيء

كل الحب لكم جميعا

احمد ابو طبيخ

فارس الاشهار ; توقيع العضو